車位阿叔

今天我到機場接過了雙親，便到太子附近砵蘭街某地茂菜館用膳。我把車子駛到附近錶位泊好，甫下車便有位阿叔走過來，其後發生的事節錄如下:

阿叔: 喂，你就咁泊架車係我前面呀?
小弟: 有咩問題啊? (同時打量一下這位不速之客，駕白色新款 Corolla，車牌 KM 9784，有一位年約 5 歲小童在車內)
阿叔: 你泊之前問都唔問下我，我點走呀?
小弟: 嘩... 要問你先泊得，個位你架? 你咩走唔到o者，扭多兩手呔咪出到囉。你係咪而家走? 係我就駛前 D。
阿叔: 我而家未走 wor (小弟費事理佢，欲轉身離去)
阿叔: 我 XY@#$% !!!!!
小弟: (轉身) 你講多次?
阿叔: 信唔信我打 X 你丫拿?
小弟: (乞人僧地...) Oh... Come on?!

15 分鐘後，警察到達了解事件。

阿叔: 阿 sir 抄佢牌啦，佢阻住我唔肯走....
小弟: 阿 sir 我唔係唔肯駛前 D，但係呢條友都唔講道理既，我泊個位又無過界，佢扭多兩手呔出到有餘，仲要無端白事問候我娘親，我係唔忿氣無端端係街比人辱罵。如果你要抄牌，麻煩你告埋佢公眾場所行為不檢啦 (與此同時，阿叔另一名約十多歲兒子出現...5 歲個仔未必聽得明佢 D 粗口，但眼見大兒子回來，阿叔醒目即刻轉呔)
阿叔: 我邊有問候你娘親呀?
小弟: (專登講比兩位年輕人聽) 嘩... 你當住兩個仔面前講大話都得? 我無野好講
差人: 係囉小事黎o者，呢條罪要我聽住先告得入既... 而家無證人，你就下佢駛前 D 算啦。

- 完 -